「神奇！頂級！超卓！」20週年回憶

唔明？等阿叔同你講下歷史啦: 喺20年前嘅今日（2006年5月13日），係英國足總盃決賽嘅大日子，戲碼係利物浦對韋斯咸，本來輸緊3:2嘅利記，喺補時階段，利記嘅神奇隊長謝老四一記40碼遠射: 好似猛虎射球咁破網，追成3:3平手….跟住互射十二碼勝出奪冠，成為經典，史稱「謝拉特決賽」。

當年佢射入嗰一球嗰陣，香港嘅資深足球評述員桂神(黃興桂先生) 即時嘅評述係咁嘅:「 …有今生，冇來世啊依球波…..Wow！ 神奇！頂班！超卓！...」被譽為最經典嘅足球旁述。 

喺20年後嘅今日, 我哋向神奇頂班嘅金球同埋超卓嘅金句致敬！

2026年5月13日